ارشد بٹ نے جعلی اسناد اور جعلی تجربے کی بنیاد پر گریڈ 7 میں جونئیر کلرک ترقی حاصل کی ۔ انٹی کرپشن
لاہور (خبرنگار)سروسز اسپتال کے درجہ چہارم کے ملازم کو اینٹی کرپشن نے گرفتار کرلیا ۔ ارشد بٹ نے جعلی اسناد اور جعلی تجربے کی بنیاد پر گریڈ 7 میں جونئیر کلرک ترقی حاصل کی۔ ارشد بٹ نے آئوٹ ڈور میں زبردستی دو کمروں پر قبضہ جما رکھا تھا، انٹی کرپشن کے مطابق پیرامیڈیکس کی تنظیم کا نام استعمال کرتے ہوئے ملازم ارشد بٹ غیر قانونی ٹرانسفر پوسٹنگ میں بھی ملوث نکلا علاوہ ازیں ملازم نے 44 ڈیلی ویجز ملازمین بھرتی کرواکر لاکھوں روپے رشوت وصول کی، ایف آئی آر کے مطابق ملازم کے خلاف ادویات، فرنیچر، سرجیکل کا سامان ائیر کنڈیشنر کی چوری میں بھی ملوث نکلا۔ ارشد بٹ نے پیرا میڈیکس کا نام استعمال کرتے ہوئے ناجائز آمدنی سے اپنی جائیدادیں بنارکھی ہیں، ارشد بٹ رشوت لیکر جعلی میڈیکل کروانے کا ماہر ہے، اور سرٹیفیکٹ بھی جاری کرواتا ہے،
