1250 کلو چینی،130 کلو ممنوعہ اجزاء، خالی بوتلیں، نیلے ڈرم، ڈھکن، جعلی لیبل تلفجعلی بوتلوں کا گھناؤنا دھندہ کرنے والوں کا کاروبار جڑ سے اکھاڑ دیا جائے گا۔صحت دشمن عناصر کسی رعایت کے مستحق نہیں ہیں۔ ڈی جی فوڈ اتھارٹی
لاہور (خبرنگار)لاہور یوں کو ناقص ڈرنکس پلانے والے سپلائر کے خلاف آپریشن کرتے ہوئے پنجاب فوڈ اتھارٹی ٹیموں نے جمیل ٹاؤن میں واقع جعلی کاربونیٹڈ ڈرنکس یونٹ پر چھاپہ مارا۔کاروائی کے دوران 18ہزار800 لٹر جعلی ڈرنکس تلف کر دی گئیں جبکہ مقدمہ درج کروا کر ملزمان کو موقع سے گرفتارکر لیا گیا۔1250 کلو چینی،130 کلو ممنوعہ اجزاء، خالی بوتلیں، نیلے ڈرم، ڈھکن، جعلی لیبل تلف کردیے گئے۔تفصیلات کے مطابق پنجاب فوڈ اتھارٹی ٹیموں نے جمیل ٹاؤن میں واقع جعلی کاربونیٹڈ ڈرنکس یونٹ پر چھاپہ مارا۔کاروائی کے دوران 18ہزار800 لٹر جعلی ڈرنکس تلف کر دی گئیں جبکہ مقدمہ درج کروا کر ملزمان کو موقع سے گرفتارکر لیا گیا۔1250 کلو چینی،130 کلو ممنوعہ اجزاء، خالی بوتلیں، نیلے ڈرم، ڈھکن، جعلی لیبل تلف کردیے گئے۔ڈی جی فوڈ اتھارٹی نے بتایا کہ کھلے رنگوں،کیمیکلز اور غیر فلٹرشدہ پانی سے جعلی بوتلیں تیار کی جا رہی تھیں۔فوڈ سیفٹی ٹیموں نے 17 سلنڈر، فلنگ مشینیں، کمپریسر، چولہے بھی ضبط کر لیے۔ ڈی جی فوڈ اتھارٹی کا مزید کہنا تھا کہ معروف برانڈز کے جعلی لیبل لگی بوتلیں برآمد ہونے پر کارروائی عمل میں لائی گئی۔ مزید برآں ممنوعہ مضر صحت کھلے رنگوں،کیمیکلز سے تیار محلول نیلے ڈرموں میں رکھا پایا گیا۔راجہ جہانگیر انور کا مزید کہنا تھا کہ جعلسازی کا مکروہ دھندہ کرنے والوں کیخلاف مقدمہ درج کروا کہ موقع سے گرفتار کروا دیا گیا۔ جعلی بوتلوں کو لاہور میں مختلف دکانوں اور ریسٹورنٹس میں سپلائی کیا جانا تھا۔جعلی کاربونیٹڈ ڈرنکس کا استعمال معدہ اور گردوں کے امراض کا سبب بنتا ہے۔ راجہ جہانگیر انور نے واضح کیا کہ زیادہ منافع کی لالچ میں عوام کی صحت کیساتھ کھلواڑ کرنے والوں کیخلاف سخت کارروائیاں کی جا رہی ہیں۔ جعلی بوتلوں کا گھناؤنا دھندہ کرنے والوں کا کاروبار جڑ سے اکھاڑ دیا جائے گا۔راجہ جہانگیر انورنے مزید واضح کیا کہ صحت دشمن عناصر کسی رعایت کے مستحق نہیں ہیں۔ عوام سے گزارش ہے کہ ملاوٹ و جعلساز مافیا کی اطلاع پنجاب فوڈ اتھارٹی کی ہیلپ لائن نمبر 1223 پر دیں۔
