ورکشاپ کی نگرانی چیئرمین پروفیسر ڈاکٹر محمد اقبال اور پروفیسر فیصل مسعود نے کی. ہماری روزمرہ کی زندگی میں درد کے انتظام کی اہمیت کو جاننا ضروری ہے
لاہور (خبر نگار)ڈیپارٹمنٹ آف آرتھوپیڈک سرجری یونٹ 1، کنگ ایڈورڈ میڈیکل یونیورسٹی، میو ہسپتال لاہور نے ‘کمر کے درد کے انتظام اور ریڑھ کی ہڈی کے انجیکشن کی تکنیک’ پر 2 روزہ ورکشاپ کا انعقاد کیا۔ جو کہ گزشتہ روز اختتام پذیر ہو گئی
ورکشاپ کی نگرانی چیئرمین پروفیسر ڈاکٹر محمد اقبال نے پروفیسر فیصل مسعود کے ہمراہ کی. ڈاکٹر محمد اکرم نے شریک چیئرمین کے طور پر خدمات انجام دیں اور ڈاکٹر شاہد علی اس کورس کے ڈائریکٹر تھے۔
*پروفیسر ڈاکٹر محمود ایاز، وائس چانسلر کنگ ایڈورڈ میڈیکل یونیورسٹی تقریب کے مہمان خصوصی تھے۔
ملٹی ڈسپلنری فیکلٹی میں پروفیسر شہزاد شمس* ڈین سرجری اینڈ الائیڈ کے ای ایم یو، پروفیسر۔ عتیق درانی معروف سپائن سرجن ڈاکٹرز ہسپتال لاہور اور *پروفیسر۔ لیاقت علی، ایف جے ایم یو میں اینستھیزیا کے چیئرمین شامل تھے۔
پروفیسر محمد اقبال، چیئرمین شعبہ آرتھوپیڈکس نے تعارفی نوٹ پیش کیا اور تعلیمی سال میں ہونے والی سرگرمیوں کا خلاصہ پیش کیا، اور وائس چانسلر کے تعاون پر ان کا شکریہ ادا کیا۔
*پروفیسر ڈاکٹر محمود ایاز وائس چانسلر نے اپنے خطاب میں ہماری روزمرہ کی زندگی میں درد کے انتظام کی اہمیت پر زور دیا اور انہوں نے متعلقہ موضوع پر مفید ورکشاپ منعقد کرنے پر آرتھوپیڈک سرجری کے شعبہ کی کوششوں کو سراہا۔
ورکشاپ کے دونوں دن میو ہسپتال اور آزاد کشمیر، کے پی کے، پنجاب اور دارالحکومت کے مختلف ہسپتالوں سے نوے سے زائد شرکا نے شرکت کی تصوراتی لیکچرز، پینل ڈسکشنز، ریڑھ کی ہڈی کے انجیکشنز کی مختلف تکنیکوں اور آرتھوپیڈکس کے سینئر پروفیسر حضرات کی موجودگی بشمول *پروفیسر رانا محمد ارشد اور پروفیسر غلام مرتضیٰ چیمہ نے تقریب کو رونق بخشی۔ تقریب کی کوریج کے لیے دونوں دن پرنٹ اور الیکٹرانک میڈیا موجود تھا۔ 
ڈاکٹر علی رضا شیرازی، ڈاکٹر فہیم مبشر اور ڈاکٹر وقاص اعظم کو خصوصی محنت اور انتظامات کے لیے باقاعدہ سراہا گیا۔
پہلے دن فیکلٹی کو شیلڈز دی گئیں اور دوسرے دن کے اختتام پر چیئرمین پروفیسر ڈاکٹر اقبال مرزا اور کورس کے ڈائریکٹر سپائن سرجن ڈاکٹر شاہد علی کے اختتامی کلمات اور شکریہ کے ساتھ شرکاء میں اسناد تقسیم کی گئیں
