جدید پولیسنگ کیلئے انفارمیشن ٹیکنالوجی کی مدد لینا وقت کی اہم ضرورت ہے،ایم ڈی محمد احسن یونس. سیف سٹیز اتھارٹی میں جدید طریقہ تفتیش کی تربیت جرائم کی سرکوبی میں مددگار ہوگی۔افسران
لاہور(خبر نگار)
پنجاب سیف سٹیز اتھارٹی میں نیشنل پولیس اکیڈمی کے زیر تربیت ASPs کی 2 روزہ تربیت مکمل کردی گئی۔30 انڈر ٹریننگ اے ایس پیز کوپنجاب سیف سٹیز اتھارٹی میں جدید پولیسنگ بارے تربیت دی گئی۔2روزہ ٹریننگ میں افسران کو اتھارٹی کے مختلف شعبہ جات بارے تربیت دی گئی اور ورکنگ بارے بھی بتایا گیا۔پولیس افسران کو ڈیجیٹل فورانزک ایویڈنس کی قانونی اہمیت اور تفتیش کے عمل بارے تربیت دی گئی۔اس موقع پروفد کوافسران کوافسران کو آپریشنز اینڈ مانیٹرنگ سینٹر سے شہر بھر کے اہم مقامات کی مانیٹرنگ کا عمل دکھایا گیا۔زیر تربیت اے ایس پیز نے 15ایمرجنسی کالزاور ان پر پولیس رسپانس کا عمل دیکھا۔ایل ٹی ای ایڈوانس ہینڈ سیٹ اور ایڈوانس ٹریفک مینیجمنٹ سسٹم بارے بھی تربیت دی گئی۔زیر تربیت افسران نے سیف سٹیز پراجیکٹ کی ورکنگ، چیلنجز اور سکیورٹی میں بہتری کے متعلق سوالات پوچھیاور سیف سٹیز اتھارٹی بارے اپنے تجربات اور رائے سے آگاہ کیا۔ مینیجنگ ڈائریکٹر پنجاب سیف سٹیز اتھارٹی محمد احسن یونس نے اختتامی سیشن میں افسران سے خطاب کرتے ہوئے کہا کہ جدید پولیسنگ کیلئے انفارمیشن ٹیکنالوجی کی مدد لینا وقت کی اہم ضرورت ہے۔پولیس سروس میں آنے کا مقصد مظلوم کا سہارا بننا ہے،۔ زیر تربیت افسران نے خیالات کا اظہار کرتے ہوئے کہا کہ سیف سٹیز اتھارٹی میں جدید طریقہ تفتیش کی تربیت جرائم کی سرکوبی میں مددگار ہورہی ہے بعد ازاں پنجاب سیف سٹیزاتھارٹی اور وفد کے مابین یادگاری شیلڈز کا تبادلہ بھی کیا گیا۔
