لاہور (خبر نگار) پاکستان مرکزی مسلم لیگ کے ترجمان تابش قیوم نے کہا ہے پاکستان کے تمام قومی و صوبائی حلقوں کے امیدواران نے اپنے ریٹرننگ افسران کو پارٹی ٹکٹ جمع کروا دیئے ہیں۔ تفصیلات کے مطابق مرکزی مسلم لیگ کے صدر خالد مسعود سندھو نے لاہور این اے 130، نائب صدر فیصل ندیم نے کراچی این اے 235، نائب صدر حافظ طلحہ سعید نے این اے 122، حافظ عبدالرؤف نے این اے 119، انجنئیر حارث ڈار نے این 129، چوہدری شفیق الرحمن وڑائچ نے اسلام آباد کے حلقہ این اے 46 ،پی پی 162سے خالد نیک گجر اور پی پی 166 سے ڈاکٹر نائلہ خالد سمیت تمام قومی و صوبائی حلقوں سے نامزد امیدواروں کی جانب سے پارٹی ٹکٹ جمع کروا دئیے گے۔ ترجمان پی ایم ایم ایل تابش قیوم کا کہنا تھا کہ مرکزی مسلم لیگ کا منشور ملکی ترقی کی راہ میں حائل رکاوٹوں کو دور کرکے دوبارہ معاشی اور سیاسی حوالے سے مستحکم کرنے میں مفید ثابت ہوگا۔ مرکزی مسلم لیگ اپنے کرسی کے نشان اور منشور کو ہر گھر اور فرد تک پہنچائے گی۔مرکزی مسلم لیگ قوم کو مایوس کے اندھیروں سے نکال کر روشنی کے سفر پر گامزن کرے گی۔ ملک میں موجود 6 کروڑ سے زائد نوجوانوں کو پاکستان کا باوقار اور ہنرمندی شہری بنانے کے لیے موئثر اقدامات کو یقینی بنانا ہماری ترجیح ہوگا۔
