جس جذبے سے اسپیشل انیشیٹو پولیس اسٹیشنز قائم کئے گئے ہیں آپ سب مبارکباد کے مستحق ہیں،
لوگوں کی ضروریات کا آپ سے وابستہ ہونا آپ پر اللہ کی رحمت ہے، SIPS کے تحت قائم تھانوں کے پروسیسز اور ایس اوپیز پر عملدرآمد ہم سب کی مشترکہ ذمہ داری ہے،
ڈی آئی جی آپریشنز سید علی ناصر رضوی
لاہور(خبر نگار ، کرائم رپورٹر)
ڈی آئی جی آپریشنز لاہورسید علی ناصر رضوی نے کہا ہے کہ جس جذبے سے اسپیشل انیشیٹو پولیس اسٹیشنز قائم کئے گئے ہیں آپ سب مبارکباد کے مستحق ہیں۔ہم سب نے مل کر آئی جی پنجاب ڈاکٹر عثمان انور کی ویژن وہدایات پر صدق دل سے عمل کیاہے۔ SIPS کے تحت قائم تھانوں کے پروسیسز اور ایس اوپیز پر عملدرآمد ہم سب کی مشترکہ ذمہ داری ہے۔ اسپیشل انیشیٹو پولیس اسٹیشنز بارے فراہم کردہ ایس اوپیز کی خلاف ورزی پرسخت محکمانہ کارروائی ہوگی۔ان خیالات کا اظہار انہوں نے پولیس لائنز قلعہ گجر سنگھ میں SIPS سے متعلق اہم اجلاس کے دوران پولیس افسران سے خطاب کے دوران کیا۔ ایس ایس پی آپریشنزسید علی رضا، ڈویژنل ایس پیز،سرکل افسران نے اجلاس میں شرکت کی۔ ایس ایچ اوز، محرران،فرنٹ ڈیسک انچارجزبھی اس موقع پرموجودتھے۔ ڈی آئی جی آپریشنز نے کہا کہ لوگوں کی ضروریات کا آپ سے وابستہ ہونا آپ پر اللہ کی رحمت ہے۔گائیڈ کانسٹیبل، انکوائری آفیسر، ویریفکیشن آفیسر ودیگر سٹاف ہمہ وقت سائلین کی مدد کے لئے موجود ہوں۔انہوں نے کہا کہ کمیونٹی پولیسنگ کے تحت تمام تھانو ں کو سروس ڈیلیوری اور پبلک فرینڈلی اسٹیشنز میں ڈھالا گیا ہے۔ تھانوں میں جدید سہولیات کیساتھ آرام دہ ماحول میں پولیس سے متعلقہ سروسز فراہم کی جا رہی ہیں۔کیو میٹک مشیز،ٹوکن نمبر ایل ای فرنٹ ڈیسک سے منسلک اور ورکنگ میں ہونی چاہئیں۔ سیدعلی ناصر رضوی نے کہا کہ تھانوں میں پبلک فرینڈلی ماحول کو یقینی بنایاجائے، شہریوں کو احساس تحفظ ہونا چاہئے۔ایس ایچ اوز اس امر کو یقینی بنائیں کہ کسی سائل کو اپنی باری کے علاوہ تھانہ میں انتظار نہ کرنا پڑے۔انہوں نے مزید کہاکہ ویجیلنس ٹیمیں چیک کریں گیں، پروٹوکول نامکمل ہونے پر متعلقہ ایس پی، سرکل افسران اورایس ایچ او جواب دہ ہونگے۔
