پولیس کیلئے بہترین رہائش گاہیں بنائی جارہی ہیں،31جنوری سے قبل اپارٹمنٹس کے3فلور مکمل کرکے ا لاٹ کردئیے جائیں گے:محسن نقوی
لاہور(خبرنگار) وزیراعلیٰ پنجاب محسن نقوی نے شدید سردی میں رات گئے پنجاب کابینہ کے ہمراہ قربان لائنز کا دورہ کیا۔وزیراعلیٰ محسن نقوی اور صوبائی وزراء نے قربان لائنز میں پولیس کے لئے رہائش گاہوں کی تعمیر کے منصوبے پر ہونے والی پیشرفت کاجائزہ لیا۔انسپکٹر جنرل پولیس ڈاکٹر عثمان انور نے منصوبے پر ہونے والی پیشرفت کے بارے میں آگاہ کیا۔وزیراعلیٰ محسن نقوی نے رہائش گاہوں میں جاری کاموں کا معائنہ کیا۔وزیراعلیٰ محسن نقوی نے رہائش گاہوں کے فنشنگ ورک کو جلد ازجلد مکمل کرنے کی ہدایت کرتے ہوئے کہا کہ فنشنگ ورک میں اعلیٰ معیار کو برقرار رکھا جائے اور منصوبے کی جلد تکمیل یقینی بنائی جائے۔انہوں نے کہا کہ پولیس کے لئے بہترین رہائش گاہیں بنائی جارہی ہیں۔ 31جنوری سے قبل اپارٹمنٹس کے3فلور مکمل کرکے پولیس افسروں کو ا لاٹ کردئیے جائیں گے۔ بریفنگ میں بتایا گیا کہ قربان لائنز میں پولیس کیلئے 6منزلہ عمارت میں 24اپارٹمنٹس بنائے جارہے ہیں۔اپارٹمنٹس میں دو لفٹ بھی لگائی جائیں گی۔
