تفصیلات کے مطابق بھارتی ریاست اترپردیش کے شہر ایودھیا میں بابری مسجد کے مقام پر تعمیر ہونے والے مندر کا افتتاح مودی نے کیا۔
نگراں وفاقی وزیر برائے مذہبی امور انیق احمد نے کہا کہ بابری مسجد کے ملبے پر مندر بنانے کی جتنی مذمّت کی جائے وہ کم ہے۔
’گجرات کے قصائی کا وزیراعظم بننا بھارت میں جمہوریت کے دعوے کا پول کھول دیتا ہے، رام مندر کی تعمیر اور افتتاح سے جہاں ہمارے دل دکھے ہیں وہاں یہ بات بھی کہنا اہم ہے کہ آج کا ہندوستان اس بات کا ثبوت ہے کے جناح درست اور نہرو غلط تھے‘۔
انیق احمد نے کہا کہ ’مودی ایشیائی خطّے کا نیتن یاہو ہے۔ انہوں نے کہا کہ ’پاکستان آزمائش کی اس گھڑی میں ہندوستانی بہن بھائیوں کے ساتھ کھڑا ہے اور عالمی برادری سے مطالبہ کرتا ہے کہ وہ بابری مسجد کی جگہ رام مندر کے افتتاح کا نوٹس لے۔
