پنجاب عبداللہ سنبل مرحوم کی بیوہ کو جی او آر ون میں الاٹ کیے گئے گھر کا فوری قبضہ دیا جائے گا
پنجاب ہیلتھ کئیر کمیشن (ترمیمی) آرڈیننس 2023ء کے دوبارہ اجراء کی منظوری،پنجاب لیبر کورٹ ساہیوال اور فیصل آبادمیں پریزائیڈنگ آفیسرز کے عہدوں پر تقرری کی منظوری. ڈسٹرکٹ کنزیومر کورٹ لاہور میں پریزائیڈنگ آفیسر کے عہدے پر نامزد گی منظوری،پنجاب وائلڈ لائف مینجمنٹ کمیٹی کی تشکیل کی منظوری. پنجاب ڈیلیگیشن آف فنانشل پاورز رولز 2016ء میں ترامیم کی منظوری،وزیر اعلیٰ محسن نقوی کی زیر صدارت پنجاب کابینہ کا 37واں اجلاس
لاہور (خبرنگار)وزیر اعلیٰ پنجاب محسن نقوی کی زیر صدارت آج پنجاب کابینہ کا 37واں اجلاس منعقد ہوا۔ کابینہ اجلاس میں ڈیرہ غازی خان انسٹی ٹیوٹ آف کارڈیالوجی کے ڈاکٹرز کے لئے خصوصی الاؤنس کی منظوری دی گئی۔کابینہ نے بینک آف پنجاب کا بورڈ آف ڈائریکٹرز تحلیل کرنے کی منظوری دی۔ اجلاس میں مزار بی بی پاکدامن کے راستے کو کشادہ کرنے کے لئے فنڈز کے اجراء کی منظوری دی گئی۔ کابینہ نے فیصلہ کیا کہ سابق چیف سیکرٹری پنجاب عبداللہ سنبل مرحوم کی بیوہ کو جی او آر ون میں الاٹ کیے گئے گھر کا فوری قبضہ دیا جائے گا۔ اجلاس میں پنجاب ہیلتھ کئیر کمیشن (ترمیمی) آرڈیننس 2023ء کے دوبارہ اجراء کی منظوری دی گئی۔ کابینہ نے پنجاب لیبر کورٹ ساہیوال اور فیصل آبادمیں پریزائیڈنگ آفیسرز کے عہدوں پر تقرری کی منظوری دی۔ اجلاس میں ڈسٹرکٹ کنزیومر کورٹ لاہور میں پریزائیڈنگ آفیسر کے عہدے پر نامزد گی اور پنجاب وائلڈ لائف مینجمنٹ کمیٹی کی تشکیل کی منظوری دی گئی۔ کابینہ نے پنجاب ڈیلیگیشن آف فنانشل پاورز رولز 2016ء میں ترامیم کی منظوری دی۔ صوبائی وزراء، مشیران، چیف سیکرٹری، انسپکٹرجنرل پولیس، ایڈووکیٹ جنرل پنجاب اور متعلقہ محکموں کے سیکرٹریز نے اجلاس میں شرکت کی۔
