ضابطہ اخلاق کی خلاف ورزی پر ماسٹر انوار ای ایس ٹی منگوال سکول ، تحصیل حراج ضلع چکوال کی فوری برطرفی کے احکامات جاری کئے گئے
لاہور (خبر نگار) صوبہ پنجاب میں مانیٹرنگ ٹیموں کا انتخابی ضابطہ اخلاق کی خلاف ورزیوں پر کریک ڈاؤن جاری ۔صوبائی الیکشن کمشنر پنجاب اعجاز انور چوہان کی ہدایات پر مانیٹرنگ افسران نے ضابطہ اخلاق کی خلاف ورزیوں پر سخت ایکشن لئے ۔ضابطہ اخلاق کی خلاف ورزی پر ماسٹر انوار ای ایس ٹی منگوال سکول ، تحصیل حراج ضلع چکوال کی فوری برطرفی کے احکامات جاری کئے۔ ڈسٹرکٹ مانیٹرنگ آفیسر چکوال نے سی ای او ایجوکیشن، چکوال کو مراسلہ جاری کیا۔ ماسٹر انوار امیدوار کی انتخابی اور سیاسی سرگرمیوں میں شریک تھا۔ این اے 46اسلام آباد امیدوار انجم عقیل خان کو غیر قانوی کیمپ بنانے پر نوٹس جاری ۔ خانیوال کے امیدواران ایان خان نیازی اور عبدالعلیم خان کو پینافلیکس پر قرآنی آیات درج کرنے پر نوٹس جاری۔ خانیوال این اے 155 اور پی پی 205 سے امیدواران راجہ حیات میراج اور سید محمد مرتضیٰ کو پینا فلیکس آویزاں کرنے پر نوٹس جاری۔ پی پی31 اور 34 گجرات میں قیصرہ الہٰی اورسمیرا الہٰی کو بھی خلاف ضابطہ تشہیری مواد آویزاں کرنے پر نوٹس جاری۔ ملتان پی پی 216 اور217 میں امیدواران رائے منصب اور ملک طاہر ڈوگر کو نوٹس جاری۔ پی پی 41منڈی بہاء الدین سے بسمہ ریاض کو اوورسائز پینا فلیکس لگانے پر نوٹس جاری ۔ ننکانہ صاحب میں ڈسٹرکٹ مانیٹرنگ افسر کی طرف سے مختلف امیدواران کو وارننگز جاری کی گئی۔
