میں جوان، توانا اور ہینڈسم ہوں؛ ٹرمپ کو جواب

امریکی میڈیا کے مطابق انتخابی مہم کے لیے بنائی گئی اشتہاری ویڈیو میں 81 سالہ جوبائیڈن نے شگفتہ انداز میں انتہائی پُرسکون اور اعتماد کے ساتھ اپنی عمر سے متعلق یہ کہتے ہوئے نظر آئے کہ دیکھیں میں اب تک جوان، توانا اور ہینڈسم ہوں۔

صدر جوبائیڈن نے اپنی عمر پر کیے گئے طنز کا جواب دیتے ہوئے کہ میں اپنے تجربے کی بنیاد پر کسی بھی دوسرے شخص سے زیادہ بہتر سمجھتا ہوں کہ امریکیوں کی بہبود کے لیے کیسے کام کیا جائے۔

صدر جوبائیڈن نے اپنے حریف اور سابق صدر ڈونلڈ ٹرمپ کے بارے میں کہا کہ ڈونلڈ ٹرمپ نے بنیادی ڈھانچے کا قانون پاس کرنے کی کوشش کی لیکن وہ ناکام رہے۔

امریکی صدر نے زور دے کر کہا کہ ڈونلڈ ٹرمپ نے خواتین سے انتخاب کی آزادی چھین لی تھی۔ ٹرمپ کا خیال تھا کہ صدر دفتر کا کام صرف ڈونلڈ ٹرمپ کا خیال رکھنا ہے۔

صدر جوبائیڈن نے مزید کہا کہ میں نے موسمیاتی تبدیلیوں سے نمٹنے کے لیے تاریخ کا سب سے بڑا قانون منظور کیا کیونکہ ہمارا مستقبل اسی پر انحصار کرتا ہے۔