غیر فلٹرشدہ نل کے پانی میں کھلے رنگ، کیمیکلز، فلیورز کی ملاوٹ سے جعلی بوتلیں تیار کی جا رہی تھیں۔ عاصم جاوید پنجاب بھر میں زیرو ٹالرینس پالیسی کے تحت جعلسازی کے خلاف 24 گھنٹے کریک ڈاؤن جاری ہے۔ ڈی جی فوڈ اتھارٹی
لاہور 2اپریل: ماہ مبارک میں عید پر سپلائی کے لیے جعلی کولڈ ڈرنکس تیار کرنے والے 2 سپلائر گرفتار کر کے یونٹ اکھاڑ دیا گیا۔ وزیر اعلی پنجاب مریم نواز شریف کے ویژن اور وزیر خوراک پنجاب کی ہدایات پر ڈی جی فوڈ اتھارٹی کا صدر میں واقع جعلی کاربونیٹڈ ڈرنکس یونٹ پر چھاپہ، انسپیکشن کے دوران 5ہزار لٹر جعلی ڈرنکس، 55 کلو کیمیکلز، کھلے رنگ، چینی اور فلیورز موقع پر تلف کر کے یونٹ مالکان کیخلاف مقدمہ درج کروا کے 2 ملزمان کو موقع سے گرفتار کروا دیا گیا۔تفصیلات کے مطابق کارروائی کے دوران 1050 خالی بوتلیں،4 کلو ڈھکن،لیبل 2 گیس سلنڈر، 6 چلر،فلنگ مشینیں اکھاڑ کر ضبط کر لی گئیں۔ڈی جی فوڈ اتھارٹی نے بتایا غیر فلٹرشدہ نل کے پانی میں کھلے رنگ، کیمیکلز، فلیورز کی ملاوٹ سے جعلی بوتلیں تیار کی جا رہی تھیں۔ معروف برانڈز کے جعلی لیبل لگی بوتلیں برآمد ہونے پر کارروائی عمل میں لائی گئی۔ عاصم جاوید نے کہا ممنوعہ مضر صحت کھلے رنگوں، کیمیکلز اور فلیورز سے تیار محلول سپلائی کے لیے تیار رکھا پایا گیا۔ جعلسازی کا مکروہ دھندہ کرنے والوں کیخلاف مقدمہ درج کروا کے 2ملزمان کو موقع سے گرفتار کروا دیا گا۔جعلی ڈرنکس کو لاہور اور ملحقہ علاقوں کی چھوٹی بڑی دکانوں پر سپلائی کیا جانا تھا۔ڈی جی فوڈ اتھارٹی نے مزید کہا کہ خفیہ اطلاع ملنے پر پنجاب فوڈ اتھارٹی نے بروقت کارروائی کر کے لاہوریوں کو مضر صحت کولڈ ڈرنکس پینے سے بچا لیا۔جعلی ڈرنکس کا استعمال معدہ اور گردوں کی بیماریوں میں مبتلا کرسکتا ہے۔ وزیر اعلیٰ پنجاب کے خصوصی احکامات کے پیش نظر ملاوٹ کا پنجاب سے خاتمہ اولین ترجیح ہے۔ عاصم جاوید کا کہنا تھا پنجاب بھر میں زیرو ٹالرینس پالیسی کے تحت جعلسازی کرنے والوں کے خلاف 24 گھنٹے کریک ڈاؤن جاری ہے۔
