تفصیلات کے مطابق وزیر اعلیٰ خیبر پختونخوا علی امین خان گنڈاپور کی زیر صدارت اگلے مالی سال کے ترقیاتی پروگرام کی تیاری سے متعلق اجلاس ہوا۔ ہدایت کی کہ سالانہ ترقیاتی پروگرام میں ایسے منصوبے شامل نہ کئے جائیں جو سالہا سال تک مکمل نہ ہوسکیں۔
وزیراعلیٰ نے ہدایت کی کہ ضم شدہ اضلاع اور دیگر دور افتادہ علاقوں میں سہولیات کی فراہمی کو پہلی ترجیح دی جائے۔
علی امین گنڈا پور نے کہا کہ نئی عمارتیں تعمیر کرنے کی بجائے پہلے سے موجود اسپتالوں میں درکار سہولیات کی فراہمی پر توجہ دی جائے۔
وزیراعلیٰ نے اگلے مالی سال سے صوبے میں ایئرایمبولینس سروس شروع کرنے کی بھی ہدایت کی۔
وزیراعلیٰ نے ہدایت کی کہ نئی عمارتیں تعمیر کرنے کی بجائے جہاں ضرورت پڑے وہاں کرائے کی عمارتوں میں نئے سکولز کھولے جائیں اور بچوں کو مفت درسی کتابوں کے ساتھ بیگز بھی دیے جائیں۔
