مولانا اگرپی ٹی آئی کے ساتھ بیٹھ سکتے ہیں توہمارے ساتھ کیوں نہیں، چیئرمین سینیٹ

قائم مقام صدرو چیئرمین سینیٹ نے بدھ کو بانی پاکستان کے مزارپرحاضری دی، پھولوں کی چادرچڑھائی اورفاتحہ خوانی کی،ان کے ہمراہ وزیراعلیٰ سندھ بھی موجود تھے، ان کا کہنا تھا کہ ملک کے لیے ہم سب کو ایک ٹیبل پر بیٹھنا ہوگا۔

مولانا ہمارے پرانے دوست ہیں، اگر وہ پی ٹی آئی کے ساتھ بیٹھ سکتے ہیں تو ہمارے ساتھ کیوں نہیں بیٹھ سکتے، پیپلز پارٹی مولانا کا احترام کرتی ہے، سینیٹ میں انہوں نے ہمیں سپورٹ کیا، وہ بھی ملتان کے ہی ہیں اورہم سے سرائیکی میں بات کرتے ہیں۔

یوسف رضاگیلانی کا کہنا تھا کہ عمران خان نے ایک کمیٹی بنائی تھی،مجھے یاد ہےاس وقت شاہ محمود قریشی بھی تھے اور لوگ بھی تھے، ہم نے اس وقت انہیں انتخابات کی تاریخ دے دی تھی، میں نے اس وقت ان سے کہا تھا کہ آپ نے کے پی اورپنجاب اسمبلی توڑکرغلطی کی۔

چیئرمین سینیٹ نے کہا کہ ہمارے ملک میں اگر قتل بھی ہوجائے توواحد راستہ مذاکرات کی میز ہے، بی بی شہید نے بھی کبھی مذاکرات کا راستہ نہیں چھوڑا۔