لاہور (خبرنگار) ڈی آئی جی آپریشنز لاہور محمد فیصل کامران نے کہا ہے کہ SIPS کے تحت قائم کیے گئے تھانہ جات کے بقیہ رقوم کی ادائیگی کر دی گئی ہے۔تھانوں کی تزین و آرائش اور صفائی ستھرائی کا خاص خیال رکھا جائے۔SIPS کے تحت قائم تھانوں کے پروسیسز اور ایس اوپیز پر عملدرآمد ہم سب کی مشترکہ ذمہ داری ہے۔ اسپیشل انیشیٹو پولیس اسٹیشنز بارے فراہم کردہ ایس اوپیز کی خلاف ورزی پرسخت محکمانہ کارروائی ہوگی۔ان خیالات کا اظہار انہوں نے اپنے دفتر میں SIPS سے متعلق اہم اجلاس کے دوران ایس ایچ اوز سے خطاب کے دوران کیا۔ ڈی آئی جی آپریشنز نے کہا کہ لوگوں کی ضروریات کا آپ سے وابستہ ہونا آپ پر اللہ کی رحمت ہے۔گائیڈ کانسٹیبل، انکوائری آفیسر، ویریفکیشن آفیسر ودیگر سٹاف ہمہ وقت سائلین کی مدد کے لئے موجود ہوں۔انہوں نے کہا کہ کمیونٹی پولیسنگ کے تحت تمام تھانو ں کو سروس ڈیلیوری اور پبلک فرینڈلی اسٹیشنز میں ڈھالا گیا ہے۔تھانوں میں پولیس سے متعلقہ سروسز شہریوں کو جدید سہولیات کیساتھ فراہم کی جا رہی ہیں۔کیو میٹک مشیز،ٹوکن نمبر ایل ای فرنٹ ڈیسک سے منسلک اور ورکنگ میں ہونی چاہئیں۔ محمد فیصل کامران نے کہا کہ تھانوں میں پبلک فرینڈلی ماحول کو یقینی بنایاجائے، شہریوں کو احساس تحفظ ہونا چاہئے۔ ایس ایچ اوز اس امر کو یقینی بنائیں کہ کسی سائل کو اپنی باری کے علاوہ تھانہ میں انتظار نہ کرنا پڑے۔
