پی ایچ پی اہلکار و افسران ڈیپوٹیشن پر ٹریننگ، ٹریفک اور موٹر وے پولیس میں جا سکیں گے۔ ڈاکٹر عثمان انور
لاہور (خبر نگار ٫ کرائم رپورٹر) انسپکٹر جنرل پولیس پنجاب ڈاکٹر عثمان انور کی ہدایت پر پنجاب ہائی وے پٹرول (پی ایچ پی) صوبہ بھر میں شاہرات پر شہریوں کی خدمت و تحفظ اور قوانین کی پاسداری کیلئے سرگرم عمل ہے، آئی جی پنجاب ڈاکٹرعثمان انو رنے کہاکہ پی ایچ پی کے سروس رولز 2024 منظور ہو چکے، عنقریب بڑی تعداد میں پروموشنز ہونگی جبکہ پی ایچ پی اہلکار و افسران ڈیپوٹیشن پر ٹریننگ، ٹریفک اور موٹر ویز پولیس میں جا سکیں گے۔ ڈاکٹر عثمان انور نے ہدایت کی کہ پی ایچ پی ٹیمیں مزید محنت، تندہی اور فرض شناسی سے فرائض ادا کرتے ہوئے شہریوں کو بہترین خدمات فراہم کریں، بالخصوص فیلڈ پوسٹنگ کو مزید موثر بنایا جائے اور انسداد جرائم کا عمل مزید تیز کیا جائے۔
پنجاب ہائی وے پٹرول ہیڈ کوارٹرز نے ماہِ جون 2024 کی کارکردگی رپورٹ جاری کردی ہے، تفصیلات کے مطابق پی ایچ پی نے شاہرات پر بذریعہ ای پولیس پوسٹ ایپ 2.7 ملین افراد کو چیک کیا، دورانِ چیکنگ 525 اشتہاری مجرمان اور عدالتی مفروران کو گرفتار کیا گیا، پنجاب بھر کی شاہرات پر 1.32 ملین گاڑیوں کو چیک کیا گیا، 171 چوری شدہ گاڑیاں / موٹر سائیکلیں برآمد کی گئیں، روڈ سیفٹی مہم کے تحت ٹریفک قوانین کی خلاف ورزیوں پر 2 لاکھ 14 ہزار سے زائد چالان کئے گئے،ایکسل لوڈ کی خلاف ورزی پر 86 ہزار 5 سو سے زائد اوور لوڈڈ گاڑیوں کے چالان اور قانونی کارروائی کی گئی، جرمانے کی مد میں 08 کروڑ 90 لاکھ روپے کی رقم خزانے میں جمع کروائی گئی، گیس سلنڈر کے غیر قانونی استعمال پر 798 گاڑیوں کے خلاف قانونی کارروائی کی گئی، شہریوں کی سہولت کے پیشِ نظر 10 ہزار ڈرائیونگ لائسنس جاری کیے گئے، 61 گمشدہ بچوں کو ان کے والدین سے ملوایا گیا، 315 عارضی و مستقل تجاوزات کو ختم کر کے ٹریفک کے بہاؤ کو بہتر بنایا گیا، 7313 مسافروں کو مختلف نوعیت کی مدد و راہنمائی فراہم کی گئی، پولیس خدمت مراکز پر 4659 شہریوں کو مختلف پولیسنگ خدمات فراہم کی گئیں، ناجائز اسلحہ کے استعمال پر 73 مقدمات درج کئے گئے، منشیات فروشوں سے 1432 لیٹر شراب، 91830 گرام چرس اور 700 گرام افیون برآمد کی گئی، آئی جی پنجاب ڈاکٹر عثمان انور نے بہترین کارکردگی پر پی ایچ پی ٹیموں کو شاباش دیتے ہوئے کہاکہ ٹریفک کی روانی، شہریوں کی خدمت و حفاظت کیلئے بھرپور محنت اور خلوص نیت سے فرائض سر انجام دئیے جائیں۔
