لاہور( کامرس رپورٹر )لاہور چیمبر آف کامرس اینڈ انڈسٹری کے صدر کاشف انور نے پنجاب ریونیو اتھارٹی (پی آر اے) کے فوکل پرسن عمر فاروق خان سے ملاقات میں لاہور چیمبر کے ممبران پر زور دیا کہ وہ اپنے زیر التواء سیلز ٹیکس ریٹرن اور ورکرز ویلفیئر فنڈ جمع کرائیں جس کی آخری تاریخ 18 جون ہے
صدر لاہور چیمبر کاشف انور نے تمام ممبران پر زور دیا کہ وہ اس بات کو یقینی بنائیں کہ ان کے پی آر اے سیلز ٹیکس ریٹرن اور واجب الادا ٹیکس فوری طور پر جمع کرایا جائے۔
کاشف انور نے کہا، ”ان ریٹرن کی بروقت جمع کروانا نہ صرف کاروباری سرگرمیوں میں سہولت فراہم کرتا ہے بلکہ ریگولیٹری تعمیل کے لیے ہمارے اجتماعی عزم کو بھی برقرار رکھتا ہے۔
اس کے ساتھ صدر لاہور چیمبر نے حکومت پر زور دیا کہ ٹیکس نیٹ میں داخل ہونے والوں کو جرمانے اور سزا کے بجائے فوائد کے ساتھ ترغیب دی جانی چاہئے۔ ”ہم سمجھتے ہیں کہ ٹیکس دہندگان کو ٹیکس نیٹ میں داخل ہونے کے لیے فوائد فراہم کیے جانے چاہئیں ”۔
کاشف انور نے ٹیکس نیٹ کو وسیع کرنے کے لیے لاہور چیمبر کے عزم کا اعادہ کیا اور ٹیکس سے متعلق تمام پالیسیاں اسٹیک ہولڈرز کے ساتھ قریبی مشاورت سے تیار کرنے پر زور دیا۔ انہوں نے مزید کہاکہ لاہور چیمبر نے ہمیشہ ٹیکس نیٹ کو وسیع کرنے کی کوشش کی ہے، اور یہ بہت اہم ہے کہ ہم اسٹیک ہولڈرز کے ساتھ ایسی پالیسیاں بنائیں جو منصفانہ اور کاروبار کی ترقی کے لیے سازگار ہوں۔”
مزید برآں، انہوں نے یقین دلایا کہ لاہور چیمبر اپنے اراکین کو PRA کے ضوابط کی تعمیل کرنے کے لیے فعال طور پر حوصلہ افزائی کرے گا، جس میں کاروباری اداروں اور ٹیکس حکام کے درمیان تعاون کی اہمیت پر زور دیا جائے گا۔ اگر ایل سی سی آئی کے ممبران کو پی آر اے کے حوالے سے کوئی سوال ہے تو وہ لاہور چیمبر سے ps@lcci.org.pk پر رابطہ کر سکتے ہیں۔
I don’t think the title of your article matches the content lol. Just kidding, mainly because I had some doubts after reading the article.
Your point of view caught my eye and was very interesting. Thanks. I have a question for you.