تھانہ مزنگ کو مختصر ترین مدت میں سپیشل انیشئیٹو پولیس اسٹیشن کی سہولیات سے آراستہ کرکے فعال کیا گیا،سپیشل انیشییٹو پولیس سٹیشنز (SIPS) صاف ستھرے ماحول اور سٹیزن فرینڈلی سمارٹ پولیسنگ کی شاندار مثال ہیں، ڈاکٹر عثمان انور
لاہور (خبرنگار) انسپکٹر جنرل پولیس پنجاب ڈاکٹر عثمان انور نے سپیشل انیشئیٹو پولیس اسٹیشن مزنگ کا دورہ کیا اور مختلف شعبوں کا معائنہ کرتے ہوئے شہریوں کو دی جانے والی سہولیات کا جائزہ لیا، آئی جی پنجاب ڈاکٹر عثمان انور نے اسٹیٹ آف دی آرٹ سپیشل انیشئیٹو پولیس اسٹیشن اپ گریڈیشن بارے خصوصی پیغام میں کہا کہ پنجاب پولیس اپنے تھانوں کو جدید ٹیکنالوجی سے آراستہ کرکے تھانہ کلچر میں واضح اور مثبت تبدیلی لا رہی ہے جس کے تسلسل میں تھانہ مزنگ کو مختصر ترین مدت میں سپیشل انیشئیٹو پولیس اسٹیشن کی سہولیات سے آراستہ کرکے فعال کیا گیا، آئی جی پنجاب ڈاکٹر عثمان انور نے کہا کہ سپیشل انیشییٹو پولیس سٹیشنز (SIPS) صاف ستھرے ماحول اور سٹیزن فرینڈلی سمارٹ پولیسنگ کی شاندار مثال ہیں، سپیشل انیشئیٹو پولیس اسٹیشن میں کارپوریٹ طرز پر کیومیٹک مشین ٹوکن سے سروسز کا آغاز ہوتا ہے۔ آئی جی پنجاب نے سروسز بارے آگاہی دیتے ہوئے کہا کہ فرنٹ کاؤنٹرز پر موجود مستعد عملہ آپکو مطلوبہ افسر تک رہنمائی اور رسائی سمیت تمام تر سہولیات مہیا کر رہا ہے، ڈاکٹر عثمان انور نے مزید کہا کہ تھانے میں پولیس خدمت مرکز کی سہولیات بھی فراہم کی جا رہی ہیں، شہری 04 تا 06 بجے ایس ایچ اوز سے ملاقات کر سکتے ہیں۔ آئی جی پنجاب نے مزید کہا کہ ہر واقعہ کی ایف آئی آر اندراج کی ڈیڈ لائن مقرر ہے، شہری انویسٹی گیشن سے متعلق یا کسی بھی قسم کی انفارمیشن باآسانی حاصل کر سکتے ہیں۔ آئی جی پنجاب نے مزید کہا کہ پنجاب پولیس ٹائم لائن کے مطابق ہر واقعہ کا پرچہ درج کر رہی ہے، شہریوں سے درخواست ہے کہ جھوٹی گواہی مت دیں، اگر پولیس افسر یا اہلکار سے متعلق کوئی بھی شکایت ہے تو فوری 1787 کمپلینٹ سنٹر سے رابطہ کریں، انکوائری کے بعد ذمہ دار کے خلاف بلا امتیاز محکمانہ و قانونی کاروائی عمل میں لائی جائے گی۔ ڈاکٹر عثمان انور نے مزید کہا کہ پنجاب پولیس شہریوں کو سمارٹ پولیسنگ سے مستفید کرنے کیلئے صوبے کے تمام تھانوں کو بطور سپیشل انیشییٹو پولیس اسٹیشن فعال کر رہی ہے۔
