پنجاب فوڈ اتھارٹی اور بڑی فوڈ چینز کے تعاون سے سائیکل اور پیدل آنے والے افراد کو خصوصی ڈسکاونٹ فراہم کیا جائے گا۔ محمد علی رندھاوا

کمشنر لاہور کی زیر صدارت انسداد سموگ اور صحت مندانہ سرگرمیوں کے فروغ کے لیے خصوصی اجلاس میں شہریوں میں واک، سائیکلنگ کلچر کے فروغ پر غور اور اہم فیصلے کیے گئے۔

لاہور (خبر نگار)کمشنر لاہور محمد علی رندھاوا کی زیر صدارت انسداد سموگ اور صحت مندانہ سرگرمیوں کے فروغ کے لیے خصوصی اجلاس میں شہریوں میں واک، سائیکلنگ کلچر کے فروغ پر غور اور اہم فیصلے کیے گئے۔ کمشنر لاہور نے کہ کہ پنجاب فوڈ اتھارٹی اور بڑی فوڈ چینز کے تعاون سے سائیکل اور پیدل آنے والے افراد کو خصوصی ڈسکاونٹ فراہم کیا جائے گا۔
انہوں نے کہا کہ سائیکلنگ کے فروغ کے لیے شہریوں کو رینٹ پر سائیکلیں فراہم کی جائیں گی۔ سائیکلنگ انڈسٹری، لاہور میں سائیکلنگ کے کلچر کے فروغ میں اپنا کردار ادا کرے،انتظامیہ مکمل تعاون کرے گی۔ کمشنر لاہور کو بریفنگ میں بتایا گیا کہ شہر کی مصروف شاہراہوں و شاپنگ ایریاز کے گرد ٹیپا سائیکلنگ کے لیے خصوصی لین مارک کرے گا۔ کمشنر لاہور نے ہدایت کی کہ مال روڈ، کنال بینک روڈ، جیل روڈ، مین بلیوارڈ گلبرگ اور فیروز پور روڈ کے اہم حصوں پر سائیکلنگ لین اور پارکنگ اسٹینڈ بنائے جائیں۔ اجلاس میں ٹیپا اور پی آئی ٹی بی نے اپنا ایکشن پلان پیش کیا۔ کمشنر لاہور نے عملدرآمد کے لیے ٹائم لائن طلب کرلی۔ کمشنر لاہور نے کہا کہ پرائیویٹ سیکٹر، شہر کی بڑی سوسائٹیاں بھی شہریوں کو سائیکلنگ کی سہولت فراہم کریں۔لاہور میں ماحول دوست اقدامات کو پروان چڑھا رہے ہیں، شہری بڑھ چڑھ کر حصہ لیں۔ کمشنر لاہور نے کہا کہ ہفتہ وار سائیکلنگ کی سرگرمیاں جاری، لاہور میں سائیکلنگ اور واک کے کلچر کو پروان چڑھا رہے ہیں۔ مہم میں تعلیمی ادارے، سائیکلنگ کمپنیاں، سروسز پروائیڈرز کو بھی شامل کیا جائے گا۔ کمشنر آفس کے ہمراہ ایل ڈی اے، ٹیپا، پی ایچ اے، پنجاب فوڈ اتھارٹی، پی آئی ٹی بی، محکمہ ٹرانسپورٹ، ٹریفک پولیس، ضلعی انتظامیہ، سموگ فری اقدامات اٹھارہے ہیں۔ کمشنر لاہور محمد علی رندھاوا نے کہا کہ سول سوسائٹی، وکلا، ڈاکٹرز، پبلک اور پرائیوٹ سیکٹر کو خصوصی مہم کا حصہ بنایا جائے گا۔ اجلاس میں ایڈیشنل کمشنر عبدالسلام عارف، ڈائریکٹر ڈویلپمنٹ جاوید چوہان، چیف انجینئر ٹیپا اقرار حسین، چیف ٹاو¿ن پلانر ون، چیف ٹاو¿ن پلانر ٹو، اسسٹنٹ کمشنر ماڈل ٹاو¿ن صاحبزادہ یوسف، ڈائریکٹر ڈی جی ہیڈکوارٹر، ضلعی انتظامیہ، ایل ڈی اے، ایم سی ایل، پی آئی ٹی بی، واسا، ٹیپا، پنجاب فوڈ اتھارٹی ، سی پی آر او ایم سی ایل و دیگر افسران نے شرکت کی۔