تفصیلات کے مطابق اتوار کی صبح فیروزآباد تھانے کےعلاقے شہید ملت روڈ انڈر پاس کے قریب نامعلوم مسلح ملزمان کی فائرنگ سے موٹر سائیکل سوارشخص جاں بحق ہوگیا۔
مقتول نوجوان کی شناخت 20 سالہ دانش ولد شیخ رضوان احمد کے نام سے کی گئی۔
ایس ایس پی ایسٹ عرفان بہادر کے مطابق مقتول کو سر میں ایک گولی مار کر قتل کیا گیا ہے جبکہ جائے وقوع سے ڈکیتی کے کوئی شواہد نہیں ملے، تحقیقات کے بعد ہی پتہ چل سکے گا کہ واقعہ ڈکیتی مزاحمت کا نتیجہ ہے یا کوئی اور معاملہ ہے۔
