ایشیا کپ، بھارتی ہٹ دھرمی برقرار

بھارتی کرکٹ بورڈ ایشیا کپ کو کسی غیر جانبدار مقام پر منتقل کرنے کے لیے پلاننگ میں مصروف

بی سی سی آئی کے سیکرٹری جے شاہ نے کہا ہے کہ بنگلہ دیش، افغانستان اور سری لنکا کرکٹ بورڈز کے متعلقہ صدور آئی پی ایل 2023 کے فائنل میں شرکت کریں گے۔ ہم ایشیا کپ کے سلسلے میں مستقبل کے لائحہ عمل کا خاکہ بنانے کے لیے ان سے بات چیت کریں گے۔

پاکستان کرکٹ بورڈ کے سربراہ نجم سیٹھی کی طرف سے تجویز کردہ ماڈل لیگ مرحلے کے پہلے چار غیر بھارتی میچوں کا خاکہ پیش کرتا ہے .جو ٹورنامنٹ کے غیر جانبدار مقام پر منتقل ہونے سے پہلے لاہور میں کھیلا جائے گا۔

معلوم ہوا ہے کہ ہندوستانی بورڈ پورا ٹورنامنٹ سری لنکا میں منعقد کرنے کو ترجیح دیتا ہے۔

پی سی بی نے ایشیا کپ کے تنازع کو بھارت میں ہونے والے اکتوبر نومبر ون ڈے ورلڈ کپ میں شرکت سے بھی جوڑا ہے۔ ایونٹ کو چار ماہ باقی ہیں۔