کمشنر لاہور کی زیر صدارت شہر میں ٹریفک کی روانی بہتر بنانے بارے اجلاس منعقد

لاہور (خبر نگار)کمشنر لاہور محمد علی رندھاوا کی زیر صدارت شہر میں ٹریفک کی روانی بہتر بنانے بارے اجلاس منعقد ہوا۔ کمشنر لاہور محمد علی رندھاوا نے کہا کہ مختلف اہم پوائنٹس پر ٹریفک روانی کی بہتری کیلئے ماک ایکسرسائز کے بعد ڈیزائینز کو حتمی کیا جائے گا۔ اجلاس میں ٹیپا، نیسپاک و ایل ڈی اےو ڈویلپمنٹ افسران نے بریفنگ دی۔ اجلاس میں شہر کے اہم پوائنٹس پر ٹریفک روانی کے حوالے سے کیے گئے اقدامات پر بریفنگ دی گئی۔ کمشنر لاہور کو شہر کے مصروف ترین پوائنٹس پر مجوزہ یوٹرنز بارے بریفنگ دی گئی۔اجلاس میں گارڈن ٹاون برکت مارکیٹ، گڑھی شاہو ، کریم بلاک اور کھاڑک سٹاپ سمیت دیگر پوائنٹس کی ری ماڈلنگ کا بھی جائزہ لیا گیا۔ اجلاس میں 5 اہم پوائنٹس پر ٹیپا کی موک ایکسر سائز کی رپورٹ کے روشنی میں امپرووڈ ڈیزائن کا تجزیہ کیا گیا۔ ٹریفک کاونٹ و روانی مانیٹرنگ کیلئے ، نشتر چوک فیروز پور روڈ اور عبدالحق روڈ کھوکھر چوک پر ماک ایکسرسائز جاری ہے۔ جوڑے پل،گجومتہ چوک پر موک ایکسرسائز کی گئی تھی۔ بریفنگ میں بتایا گیا کہ شملہ پہاڑی چوک میں ٹریفک پولیس ماک ایکسرسائز کررہی ہے۔ کمشنر لاہور نے کہا کہ ٹیپا، نیسپاک اور ٹریفک پولیس کے ساتھ مل کر ٹریفک کی بہتری کے لیے جامع اقدامات کرے۔ انہوں نے کہا کہ شہر کے اہم پوائنٹس پر ٹریفک کی روانی بہتر کرنے سے ایندھن اور شہریوں کا قیمتی وقت بچے گا۔ اجلاس میں ٹھوکر تا دھرم پورہ انڈر پاسز پر جاری کاموں کی پیش رفت پر بھی بریفنگ دی گئی۔ اجلاس میں ایڈیشنل کمشنر عبدالسلام عارف، چیف انجینئر ایل ڈی اے اسرار سعید، چیف انجینئر ٹیپا اقرار حسین، ڈائریکٹر ڈویلپمنٹ لاہور ڈویژن جاوید رشید چوہان، ٹیپا، نیسپاک اور ایل ڈی اے کے افسران نے شرکت کی۔