سٹی

سی بی ڈی پنجاب بولیورڈ اور انڈرپاس ملحقہ شاہراہوں سمیت ہر قسم کی ٹریفک کے لئے فعال۔

تعمیراتی کام تکمیل کے آخری مراحل میں داخل۔

لاہور(خبر نگار) پنجاب سنٹرل بزنس ڈسٹرکٹ ڈولیپمنٹ اتھارٹی (پی سی بی ڈی ڈی اے) جسے سنٹرل بزنس ڈسٹرکٹ پنجاب (سی بی ڈی پنجاب) بھی کہا جاتا ہے کہ جاری منصوبے سی بی ڈی پنجاب بولیور ڈ و انڈرپاس اور اس سے ملحقہ شاہراہوں کو ہر قسم کی ٹریفک کے لئے مکمل فعال کر دیا گیا ہے۔ برکت مارکیٹ سے لبرٹی کی طرف اور لبرٹی سے برکت مارکیٹ کی طرف آنے والی ٹریفک کے لئے انڈرپاس کی دونوں اطراف تین لینز اور انڈرپاس کے اوپر دونوں اطراف تین لینز مکمل طور پر فعال ہے جن پر ٹریفک معمول کے مطابق رواں دواں ہے۔ سی بی ڈی پنجاب ترجمان کے مطابق شہریوں کی آسانی کے لئے سات ماہ کے منصوبے کو برق رفتاری کے ساتھ چار ماہ میں ٹریفک کے لئے فعال کر دیا ہے۔ سی بی ڈی پنجاب نے عوام کو درپیش ٹریفک مسائل کے حل کے لئے دن رات انتھک محنت کی ہے۔ علی زیب روڈ کی بیرل کا کام بھی 90فی صد مکمل کر لیا گیا اور بقیہ کام جلد مکمل کر کے اسکو بھی ٹریفک کے لئے فعال کر دیا جائے گا۔ منصوبے کو تعمیراتی کام کے آخری مراحل میں داخل کر دیا گیا ہے جس میں فنشنگ اور دیگر کام مکمل کئے جایئں گے۔ سی بی ڈی پنجاب بیرل کا کام بھی تکمیل کے قریب ہے جس کے مکمل ہونے کے ساتھ ہی شہریوں کو پاکستان کے پہلے بزنس ڈسٹرکٹ اور اس میں قائم ہو نے والے جدید ترین پارکنگ پلازے تک آسان رسائی حاصل ہو گی۔ براستہ علی ذیب روڈ فردوس مارکیٹ جانے والی ٹریفک اور فردوس مارکیٹ سے لبرٹی اور برکت مارکیٹ جانے والی ٹریفک کے لئے سروس لینز اور کیرج لینز فعال کر دی گی ہیں۔

یہ تمام اقدامات ماو صیام میں شہریوں کو آسانی دینے کے لئے کئی گے ہیں تاکہ شہریوں کو خصوصا افطاری کے اوقات میں ٹریفک مسائل سے دوچار نہ ہونا پڑے۔ سی بی ڈی پنجاب انتظامیہ منصوبے کو قبل از وقت مکمل کرنے کے لئے کو شاں ہے۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Related Articles

Back to top button