القادر ٹرسٹ کیس میں عمران خان کو اسلام آباد میں قائم عدالت میں پیش کردیا گیا، نیب نے 14 روزہ جسمانی ریمانڈ کی استدعا کی، عدالت نے 8 روز کا جسمانی ریمانڈ منظور کرتے ہوئے انہیں نیب کی تحویل میں دے دیا۔
پولیس گیسٹ ہاؤس میں قائم احتساب عدالت میں عمران خان کیخلاف کیس کی سماعت جج محمد بشیر کے سامنے جاری ہے، نیب حکام نے پی ٹی آئی چیئرمین کا 14 روزہ جسمانی ریمانڈ مانگ لیا، عمران خان کے وکلاء نے مخالفت کردی۔
نیب پراسیکیوٹر نے دلائل میں مزید کہا کہ برطانیہ میں ریکور کی گئی رقم بحریہ ٹاؤن کے کھاتے میں ڈالی گئی، شہزاد اکبر نے کابینہ میٹنگ میں عمران خان کو بریفنگ دی، عمران خان نے ریکارڈ کو سیل رکھنے کی منظوری دی۔نیب کی جانب سے عمران خان کی گرفتاری کی وجوہات جمع کرائے جانے کے بعد محفوظ کیا گیا فیصلہ سنادیا۔ عدالت نے سابق وزیراعظم عمران خان کا 8 روزہ جسمانی ریمانڈ منظور کرلیا۔
