محسن سپیڈ، دن رات دورے، دو اور منصوبے تکمیل کے قریب،کیولری گراؤنڈ انڈرپاس 25 نومبراور گھوڑا چوک فلائی اوور7 دسمبر کو مکمل ہو گا

وزیراعلی کا علی الصبح کیولری انڈر پاس او رگھوڑا چوک فلائی اوور پراجیکٹس کا دورہ،فلائی اوور75فیصد کام مکمل،انڈرپاس میں اسفالٹ شروع. محسن نقوی نے گھوڑا چوک سے کیولری گراؤنڈ تک سوا کلو میٹر پیدل چل کر تعمیراتی کاموں کا جائزہ لیا،بھاری گرڈر انڈرپاس کی چھت پر رکھنے کے عمل کا مشاہدہ کیا

لاہور(خبر نگار)محسن سپیڈ، دن رات دورے، ذاتی مانیٹرنگ، دو اور منصوبے تکمیل کے قریب۔کیولری گراؤنڈ انڈرپاس 25 نومبراور گھوڑا چوک فلائی اوور7 دسمبر کو مکمل ہو گا۔وزیراعلی پنجاب محسن نقوی نے علی الصبح کیولری انڈر پاس او رگھوڑا چوک فلائی اوور پراجیکٹس کا دورہ کیا۔صوبائی وزراء عامر میر، بلال افضل، ابراہیم حسن مراد اور انسپکٹر جنرل پولیس ڈاکٹر عثمان انور بھی ہمراہ تھے۔وزیر اعلی محسن نقوی نے گھوڑا چوک سے کیولری گراؤنڈ تک سوا کلو میٹر پیدل چل کر دونوں پراجیکٹس کے تعمیراتی کاموں کا جائزہ لیا۔گھوڑا چوک فلائی اوور کی شٹرنگ، سٹیل فکسنگ کے ساتھ 75 فیصد کام مکمل کر لیا گیا ہے جبکہ کیولری انڈر پاس میں اسفالٹ کا کام شروع ہوچکا ہے۔وزیراعلیٰ محسن نقوی نے بھاری گرڈر انڈرپاس کی چھت پر رکھنے کے عمل کا مشاہدہ کیااور دونوں پراجیکٹس کے تعمیراتی کاموں کا معائنہ کیااور پیشرفت کا جائزہ لیا۔وزیراعلی نے ہدایت کی کہ سائٹس پر باقاعدگی سے پانی کا چھٹرکاؤ جاری رکھا جائے۔انہوں نے کہا کہ منصوبوں کی تکمیل سے سنٹر پوائنٹ گلبرگ سے گھوڑا چوک ڈیفنس موڑ تک سگنل فری کوریڈور مکمل ہوجائے گا۔گلبرگ، کلمہ چوک، سی بی ڈی، کینٹ کیولری گراؤنڈ، ڈی ایچ اے اوروالٹن میں رہنے والے شہری مستفید ہو ں گے۔ کمشنر لاہورڈویژن و ڈی جی ایل ڈی اے محمد علی رندھاوا،چیف انجینئر ایل ڈی اے اورکنٹریکٹر نے کیولری انڈر پاس پراجیکٹ کے بارے میں بریفنگ دی۔سینٹرل بزنس ڈسٹرکٹ اتھارٹی کے چیف ایگزیکٹو آفیسر عمران امین نے گھوڑا چوک فلائی اوور منصوبے کی پیش رفت سے آگاہ کیا۔بریفنگ کے دوران بتایا گیا کہ گھوڑا چوک فلائی اوور تین لینز پر مشتمل ہے،منصوبے کی تمام پائلز، پائل کیپس، تمام پئیزمکمل ہیں۔ سی سی پی او، کمشنر، ڈپٹی کمشنر لاہور، چیف انجینئر ایل ڈی اے، ڈی جی پی ایچ اے، سی بی ڈی کے ایگزیکٹو ڈائریکٹر ٹیکنیکل، ڈائریکٹر پراجیکٹ مینجمنٹ،ڈائریکٹر کنسٹرکشن، ٹیکنیکل ٹیم اور کنٹریکٹر بھی اس موقع پر موجود تھے۔