شہباز شریف نے عام انتخابات کے حوالے سے قوم کے نام جاری اپنے پیغام میں کہا کہ ’8 فروری کو بزرگوں، بھائیوں، بہنوں، نوجوانوں، مزدوروں، ڈاکٹرز الغرض یہ کہ تمام شعبوں سے تعلق رکھنے والے عظیم پاکستانیوں کو اپنے ووٹ کی طاقت سے ملک کے مستقبل کا فیصلہ کرنا ہے‘۔
’8 فروری کو عوام آئندہ پانچ سال کیلیے ملک و قوم کی قسمت کا فیصلہ اور خدمت کرنے کا موقع اپنی جماعت کو دیں گے، ووٹ آپ کا حق ہے جس کو بھی دیں ہم اس کا احترام کریں گے‘۔
شہبا شریف نے کہا کہ ’خدارا ملک آج جس معاشی اور معاشرتی و سیاسی مسائل کا شکار ہے اس کے پائیدار حل کیلئے مسلم لیگ ن کو ووٹ دیکر کامیاب بنائیں ’میری قوم سے اپیل ہے کہ وہ 8 فروری کواپنے پولنگ اسٹیشن پر ووٹ ڈالنے کا فیصلہ کریں اور ووٹ دیتے وقت اس بات کو ذہن میں رکھیں کہ ماضی میں کس جماعت اور کس لیڈر نے ملک کی خدمت کیلیے اخلاص کے ساتھ کاوشیں کیں‘۔
