تحریک لبیک پاکستان کے امیر حافظ سعد رضوی نے لاہور میں پریس کانفرنس سے خطاب کرتے ہوئے کہا کہ تحریک لبیک کافی سیٹوں پر مارجن میں تھی ہمارے ووٹ بنک پر ڈاکا ڈالا گیا۔ ابھی بھی کئی ایسے حلقے ہیں جن کے فارم 45 دیے ہی نہیں گئے لیکن ان کے رزلٹس جاری کردیے گئ.
سعد رضوی نے کہا کہ اتنی بدترین دھاندلی تاریخ میں کبھی نہیں ہوئی، اتنی بدترین دھاندلی کو دل اور دماغ قبول نہیں کررہا،
انہوں نے کہا کہ تحریک لبیک پاکستان کا قومی اور صوبائی اسمبلیوں کے ووٹ 30 لاکھ سے زیادہ ہیں۔
کل تحریک لبیک پاکستان ملک بھر میں احتجاجی ریلیاں نکالے گی، ہم الیکشن کے نتائج کو عدالتوں میں چیلنج کرینگے، بہت ساری جگوں پر تحریک لبیک پاکستان جیت رہی تھی لیکن رزلٹ روک دیا گیا، فارم 45 کے مطابق ہم جیت گئے، کل 1 بجے مُلک بھر میں احتجاجی مظاہرے کئے جائیں گے۔
