نیوزی لینڈ کرکٹ کے چیف ایگزیکٹو آفیسر سکاٹ وینینک کا سیف سٹیز اتھارٹی کا دورہ

ایم ڈی محمد احسن یونس، چیف ایڈمن شعیب محمود اور آپریشن کمانڈر شفیق احمد نے بریفنگ دی. نیوزی لینڈ کرکٹ کے سی ای او جدید کیمروں سے شہر کی مانیٹرنگ دیکھ کر متاثر. پولیس اور دیگر سکیورٹی ادارے اپنی بہترین حکمت عملی کیساتھ فیلڈ میں موجود ہیں، سربراہ نیوزی لینڈ کرکٹ
لاہور ( خبر نگار) پاکستان اور نیوزی لینڈ کے مابین کرکٹ سیریز جاری ہے اس حوالے سے نیوزی لینڈ کرکٹ کے چیف ایگزیکٹو آفیسر سکاٹ وینینک نے پنجاب سیف سٹیز اتھارٹی کا دورہ کیا۔اس موقع پر مینیجنگ ڈائریکٹر پنجاب سیف سٹیز اتھارٹی محمد احسن یونس، چیف ایڈمن شعیب محمود اور آپریشن کمانڈر شفیق احمد نے بریفنگ دی۔نیوزی لینڈ کرکٹ کے وفد کو ائیر پورٹ، ہوٹل اور سٹیڈیم روٹس کی سکیورٹی اور فورس کی تعیناتی بارے بریفنگ دی گئی.وفد کوجدید آرٹیفیشل انٹیلیجنس ٹیکنالوجی کے استعمال اور سکیورٹی اداروں کے تعاون بارے بتایا گیا۔ترجمان سیف سٹیز اتھارٹی کے مطابق نیوزی لینڈ کرکٹ کے چیف ایگزیکٹو آفیسر کا سکیورٹی انتظامات پر اظہارِ اطمینان کیا۔نیوزی لینڈ کرکٹ کے سی ای او جدید کیمروں سے شہر کی مانیٹرنگ دیکھ کر متاثرہوئے۔ چیف ایگزیکٹو آفیسر نیوز ی لینڈ سکاٹ وینینک کا اس موقع پر کہنا تھاکہ ہماری ٹیم کا بہترین استقبال کیا گیا اور عمدہ ماحول فراہم کیا گیا۔
نیوزی لینڈ اور پاکستان کرکٹ کا پیشن شیئر کرتے ہیں۔آپکا سسٹم ورلڈ کلاس ہے اور اسے دیکھ کر خوشگوار حیرت ہوئی۔ پولیس اور دیگر سکیورٹی ادارے اپنی بہترین حکمت عملی کیساتھ فیلڈ میں موجود ہیں۔بعد ازاںاجلاس کے اختتام پر پنجاب سیف سٹیز اتھارٹی کی جانب سے وفد کو یادگاری شیلڈز پیش کی گئیں