پاکستان ٹیم نے چوتھا ٹی ٹوئنٹی جیت لیا

پاکستان نے ویمنز انٹرنیشنل ٹی ٹوئنٹی سیریز کے چوتھے میچ میں ویسٹ انڈیز کو8 وکٹوں سے مات دے کر پہلی کامیابی اپنے نام کر لی، 85 رنز کا آسان ہدف 16.3 اوورز میں 2 وکٹیں گنوا کر حاصل کر لیا۔

ویسٹ انڈیز پہلے ہی تینوں میچز جیت کر سیریز اپنے نام کر چکی ہے، پانچواں اور آخری میچ جمعہ کی شب کھیلا جائے گا۔

85 رنز ہدف کے تعاقب میں پاکستان کی جانب سے عائشہ ظفر  نے 48 گیندوں پر 3 چوکوں کی مدد سے ناقابل شکست 48 رنز بنائے۔

نیشنل بینک اسٹیڈیم پر ٹاس جیت کر پہلے بیٹنگ کرتے ہوئے مہمان ٹیم نےمقررہ 20 اوورز میں 9 وکٹوں کے نقصان پر 84 رنز بنائے۔ پاکستان کی کپتان ندا ڈار اور سعدیہ اقبال نے تین، تین وکٹیں باہم تقسیم کیں جبکہ نشرح سندھو اور رامین شمیم نے ایک ایک وکٹ حاصل کی۔