تر اقدامات کا مقصد مریم نواز کے ویژن کے مطابق میو ہسپتال میں بہتری و مریضوں کے لئے مفت ٹیسٹ، مفت ادویات اور مفت علاج کو یقینی بنانا ہے ۔ پروفیسر محمود ایاز
لاہور (خبر نگار) کنگ ایڈورڈ میڈیکل یونیورسٹی میں ہاسپٹل مینجمنٹ کمیٹی اجلاس کا انعقاد کیا گیا جس کی صدارت وائس چانسلر پروفیسر محمود ایاز نے کی۔
اس موقع پر پرو وائس چانسلر پروفیسر محمد معین، چیف ایگزیکٹو آفیسر میو ہسپتال پروفیسر احسن نعمان، چیف آپریٹنگ آفیسر پروفیسر فیصل مسعود، پروفیسر محمد ہارون حامد، پروفیسر ابرار اشرف، پروفیسر فائزہ بشیر، پروفیسر یار محمد، پروفیسر تیمور لطیف ملک، پروفیسر محمد شریف، پروفیسر عرفان عظمت اللہ خواجہ، ڈاکٹر رضا نقوی، ڈاکٹر اعظم نیاز پرنسپل سکول آف نرسنگ بشرا فیصل، چیف نرسنگ سپرنٹنڈنٹ میو ہسپتال طاہرہ خاتون، سمیت دیگر کی شرکت۔
اجلاس میں مختلف ایجنڈے زیر بحث آئے جس میں میو ہسپتال کے پرائیویٹ کمروں کے چارجز کا تعین،مختلف وارڈز کی شفٹنگ،ناکارہ اشیاء کی آکشن کرنا، ایم آر آئی، سی ٹی اسکین اور دیگر ٹیسٹ کی فیس کا تعین کرنے پر منظوری جبکہ میو کارڈیک سینٹر کے قیام کے لیے جگہ مختص کرنا،نرسنگ کالج کے سامنے ٹول پلازہ کی شفٹنگ،خراب سی سی ٹی وی کیمروں کو فعال کرنے،
کارڈیک سرجری یونٹ کے موبائل ایکسرے یونٹ کی 1 ملین سے مرمت و بحالی اور کارڈیک پرفیوژنسٹ کی تقرری کی منظوری سمیت دیگر ایجنڈے زیر بحث آئے اور منظوری دی گئی اس موقع پر وائس چانسلر پروفیسر محمود ایاز کا کہنا تھا کہ ہمارے تمام تر اقدامات کا مقصد وزیر اعلٰی پنجاب مریم نواز شریف کے ویژن کے مطابق میو ہسپتال میں بہتری اور آنے والے مریضوں کے لئے مفت ٹیسٹ، مفت ادویات اور مفت علاج کو یقینی بنانا ہے۔
