ڈی آئی جی آپریشنز افضال احمد کوثرکا موچی گیٹ کا دورہلاہور پولیس کے 05ہزارسے زائد اہلکار سکیورٹی کے فرائض سر انجام دیں گے۔05کلو میٹر روٹ میں آنے والی258گلیاں خار دار تاریں لگا کر مکمل طور پر بند ہونگی۔
لاہور(خبر نگار)
ڈی آئی جی آپریشنز لاہورافضال احمد کوثرنے یومِ شہادت حضرت علیؓ کے مرکزی جلوس کے روٹ کادورہ کیا۔ ایس ایس پی آپریشنزمحمد صہیب اشرف، ایس پی سکیورٹی دوست محمد،ایس پی سٹی و دیگر افسران بھی اس موقع پر موجودتھے۔ایس پی سٹی حمزہ امان اللہ نے پولیس افسران کو جلوس کے روٹ و سکیورٹی بارے بریفنگ دی۔ ڈی آئی جی آپریشنز نے منتظمین جلوس سے ملاقات کی اور سکیورٹی انتظامات بارے تبادلہ خیال کیا۔
ڈی آئی جی آپریشنز لاہورافضال احمد کوثر نے کہاہے کہ یوم شہادت حضرت علیؓ کے موقع پرفول پروف سکیورٹی پلان تشکیل دیا گیاہے۔سکیورٹی پلان کے مطابق لاہور پولیس کے 05ہزارسے زائد اہلکار سکیورٹی کے فرائض سر انجام دیں گے۔11ایس پیز،14ایس ڈی پی اوز،82ایس ایچ اوز،247 اَپر سب آرڈینیٹس سمیت 139لیڈیز پولیس اہلکار بھی تعینات ہوں گی۔ 05کلو میٹر روٹ میں آنے والی258گلیاں خار دار تاریں لگا کر مکمل طور پر بند ہونگی۔سیف سٹی اتھارٹی اور ڈپٹی کمشنرآفس کے کنڑول روم سے مسلسل مانیٹرنگ کی جائے گی۔انہو ں نے کہا کہ شرکاء کو واک تھرو گیٹس، میٹل ڈیٹیکٹرز کے ذریعے جامعہ تلاشی کے بعد داخلے کی اجازت ہو گی۔حساس اداروں سمیت پولیس فورس کے سادہ کپڑوں میں جوان تعینات ہوں گے۔فزیکل بیرئیر سمیت الیکٹرانک بیئریئرزبھی نصب کئے جائیں گے۔افضال احمد کوثر نے کہا کہ جلوس کے روٹ پربلند عمارتوں پر سنائپرز تعینات ہوں گے۔ شرکاء کی گاڑیوں کے لئے پارکنگ کے علیحدہ انتظامات کئے گئے ہیں۔یومِ علی ؓ کے پروگرامز کو محفوظ بنانے کیلئے سرچ اینڈ کومبنگ آپریشنز بھی جاری ہیں۔افضال احمد کوثر نے مزید کہا کہ ڈیوٹی پر تعینات پولیس اہلکاروں کو افطاری پوائنٹس پر پہنچائی جائے گی۔مرکزی جلوس مبارک حویلی سے شروع ہوکرکربلا گامے شاہ اختتام پذیرہوگا۔
