ملتان (خبر نگار) ویمن یونیورسٹی میں دو پی ایچ ڈی سکالرز کو کامیاب مجلسی دفاع کے بعد ڈگری ایوارڈ کرنے کی سفارش کردی گئی ترجمان کے مطابق ویمن یونیورسٹی میں گذشتہ روز د و پی ایچ ڈی سکالرز کے پبلک ڈیفنس ہوئے جس کی مہمان خصوصی وائس چانسلر پروفیسر ڈاکٹر کلثوم پراچہ تھیں شعبہ اردو کی سکالر تسنیم قریشی کے مقالے کا عنوان :خرد افروزی کی روایت میں اردو کے ادبی رسائل کے اداریوں کا مطالعہ(بحوالہ نگار،ادبی دنیا،افکار،اوراق) تھا نگران مقالہ ڈاکٹر شاہدہ رسول اسسٹنٹ پروفیسردی ویمن یونیورسٹی ملتان اور بیرونی ممتحن پروفیسرڈاکٹر ضیا الحسن پروفیسر شعبہ اردو یونیورسٹی آف پنجاب ،لاہور ہیں اس موقع پر سکالر نے بتایا کہ 17 ویں اور 18 ویں صدی میں دنیا پر غلبہ پانے والی عقلیت پسندی کی تحریک یورپ میں شروع ہوئی۔ اس نے تاریک دور کے اصول پسندانہ انداز فکر کو سائنسی انداز فکر سے بدل دیا۔ اس مضمون میں اس تحریک کا آغاز کیسے ہوا اور اس تحریک نے اردو زبان و ادب پر کیا اثرات مرتب کیے اس کا ایک جائزہ یہ ہے کہ مذہب کی عقلی بنیادیں قائم کرنے کے علاوہ اس تحریک نے سائنسی نقطہ نظر کو فروغ دیا جس کے اثرات اردو زبان و ادب میں بالکل واضح ہیں جو اس ادوار کے رسائل میں ملتے ہیں برصغیرمیں خردافروزی کی جو روایت سرسید سے چلی تھی وہ اوراق تک آئی جس کے مثبت اثرات نے مسلمانوں کی زندگی پر گہر نقوش چھوڑے ہیں اس موقع پر ڈاکٹر عذرا لیاقت نے کہاکہ شعبہ اردو اپنی روایت کوبرقرار رکھتے ہوئے معیاری ریسرچ کوفروغ دے رہا ہے ادب او معاشرے سے جڑے کسی پہلوکوبھی نظر انداز نہیں کرتا اور اس کے سکالر بڑی محنت سے حقائق سامنے لاتے ہیں جبکہ دوسرا مجلسی دفاع شعبہ فزکس کی مریم اکرم کا تھا مریم اکرم کے مقالے کا عنوان "پانی کے علاج اور توانائی ذخیرہ کرنے کی ایپلی کیشنز کے لیے ایڈوانسڈ 2ڈی میٹریلز پر مبنی نینو کمپوزائٹس” تھا ڈاکٹر مریم اکرم نے اپنی تحقیق کادفاع کرتے ہوئے کہا کہ اس وقت دنیا کو سب سے مشکل ماحولیاتی مسائل کا سامنا ہے جن میں تیز رفتار صنعت کاری، آبادی میں اندھا دھند اضافہ اور توانائی کی ضروریات کی وجہ سے ہوا اور آبی آلودگی شامل ہیں۔ ان مسائل کو حل کرنے کے لیے، زہریلی گیسوں اور آبی آلودگیوں کو پکڑنے کے لیے جذب کرنے کی تکنیکیں جو سادہ، موثر، سستی ہیں، استعمال کی جاتی ہیں۔ دو جہتی (2ڈی ) نینو میٹریلز روایتی ادسوربینٹ کے برعکس جذب کرنے والوں کی ایک نئی کلاس کے طور پر ابھر رہے ہیں۔ اس کی وجہ ان کے اعلی سطحی رقبے سے حجم کے تناسب، جوہری سطح کی موٹائی، بہترین مکینیکل طاقت اور مکمل طور پر قابل رسائی ایکٹو سائٹس سے منسوب کی جا سکتی ہے۔ حال ہی میں، بہت سے سائنس دانوں نے اپنی تحقیقی دلچسپیاں جوہری طور پر پتلی 2D نینو میٹریل مرکبات میں رکھی ہیں جیسے کہ زہریلی گیسوں کو ہٹانا اور پانی کے علاج کے لیے مقالے میں بنیادی طور پر ن 2ڈی نینو میٹریلز کی جدید ترین ترقی پر توجہ مرکوز کی گئی ہے، یعنی میٹل نائٹرائڈز ، فاسفورین اور ٹرانزیشن میٹل ڈیچلکوجینائیڈز ہوا سے زہریلی گیسوں کو جذب کرنے کے لیے ممکنہ ادسوربنٹ کے طور پر، اور نامیاتی رنگ، اور ہیوی میٹل آئنوں کو آبی میڈیا سے ہٹاناہیوی میٹریل، نامیاتی رنگوں، اور مختلف 2ڈی نینو میٹریل مرکبات کا استعمال کرتے ہوئے زہریلی گیسوں کے خاتمے پر تفصیل سے بات کی گئی ہے حاضرین نے مریم اکرم کی ریسرچ کوقابل قدر قرار دیتےہوئے پی ایچ ڈی کی ڈگری ایوارڈ کرنے کی سفارش کی اس موقع پر اساتذہ اور طالبات موجود تھیں ۔
