پولیس رسپانس یونٹ کی گاڑیوں کے کیمروں سے بھی روٹس کی مانیٹرنگ کی جائے گی. تمام قانون نافذ کرنے والوں اداروں کو ہر ممکن مدد فراہم کی جارہی ہے، ترجمان سیف سٹیز اتھارٹی
لاہور (خبر نگار)
پنجاب سیف سٹیز اتھارٹی نے پاک نیوزی لینڈ کرکٹ میچز کے حوالے سے خصوصی سکیورٹی انتظامات کی تفیصلات جاری کرتے ہوئے بتایاکہ میچز کی سکیورٹی کیلئے 600 سے زائد کیمروں سے مانیٹرنگ کی جا رہی ہے۔ہوٹل سے سٹیڈیم اور گردونواح تمام روٹس کی 24 گھنٹے سیف سٹیز کیمروں سے نگرانی کا عمل بھی جاری ہے۔پنجاب سیف سٹیز اتھارٹی ٹیکنیکل ٹیمیں ہیڈکوارٹر اور فیلڈ میں فورس کے شانہ بشانہ ڈیوٹی دیں گی۔سنٹر سے 150سے زائد پولیس کمیونیکیشن افسران بھی ڈیوٹی سرانجام دینگے۔علاوہ ازیں پولیس رسپانس یونٹ کی گاڑیوں کے کیمروں سے بھی روٹس کی مانیٹرنگ کی جائے گی۔سنیئر پولیس کمان پی پی آئی سی تھری سے سکیورٹی کے عمل کی نگرانی کریگی۔ترجمان سیف سٹیز اتھارٹی کا کہناتھاکہ سکیورٹی کو موثر بنانے کے لیے تمام قانون نافذ کرنے والوں اداروں کو ہر ممکن مدد فراہم کی جارہی ہے۔
